Vüsal Nurunun yeni kitabı işıq üzü görüb

Azərbaycanın tanınmış fantast yazıçısı, ssenarist Vüsal Nurunun “Prezidentin qızı” adlı kitabı çap olunub. Kitab “Qorxu bizi adam edir” şüarıyla çap olunub. Roman dəhşət, mistika, triller, paranormal hadisələri özündə əks etdirir. Romanı tezliklə kitab mağazalarından əldə etmək mümkündür.

Yazıçılar və Jurnalistlər birliklərinin üzvü, “Turan” Ədəbi Birliyinin təsisçisi, AYB-nin Gənclər Şurasının üzvü, I Gənc Ədiblər Məktəbinin məzunu Vüsal Nurunun indiyədək  “Yağış damlasıyam”, “Eybəcərlər adası”, “999” kitabları nəşr olunub. O, həmçinin “Ölülərin göz yaşı”, “Depo”, “Rape” qısametrajlı filmlərinin, “Məhkumlar”, “Tək olanda qorxma” seriallarının ssenari müəllifi, eləcə də “Qaranlıqlar çiçəyi”, “Sevginin göz yaşları” seriallarının ssenarisinin həmmüəllifidir. 

S.MÜRVƏTQIZI