“Bəzi imzaları çıxmaq şərti ilə, Azərbaycan ədəbiyyatının nümunələri dünyaya lazımınca çatdırılmır”.
APA-nın məlumatına görə, bunu Azərbaycan Yazıçılarının 12-ci qurultayında mədəniyyət və turizm naziri Əbülfəs Qarayev deyib.
Onun sözlərinə görə, bu istiqamətdə bundan sonra səylər artırılacaq. Nazir əlavə edib ki, Azərbaycan ədəbiyyatının inkişafı üçün dövlət səviyyəsində müxtəlif proqramları həyata keçirilib və ədəbi əsərlərin təbliği üçün işlərin aparılması davam edəcək: “Hər il müxtəlif ədəbi tədbirlər keçirilir, görkəmli ədiblərin yubileylərinin keçirilməsi dövlətin daim diqqətindədir. Bu gün Azərbaycan yazıçısı cəmiyyətin ən nüfuzlu insanları sırasındadır. Yazıçılar Birliyinin qarşısında duran əsas vəzifələrdən biri bizi narahat edən məsələlərlə bağlı yeni əsərlərin yazılmasıdır”.
çap et