525.Az

Dondurma istehsalında nöqsanlar aşkarlanıb


 

Dondurma istehsalında nöqsanlar aşkarlanıb<b style="color:red"></b> İqtisadiyyat və Sənaye Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Binəqədi rayonu, Biləcəri qəsəbəsində yerləşən "S.A.B.A. Şirkəti" MMC-yə məxsus istehsalat sahəsində aparılan yoxlama zamanı markalanmasında düzgün olmayan məlumatlar verilməklə, istehlakçıların çaşdırılmasına səbəb olan dondurmaların istehsal edildiyi müəyyən olunub.
 
Nazirlikdən 525.az-a verilən məlumata görə, tədbirdə 100-ə yaxın məcburi köçkün sahibkar iştirak edib.
 
Belə ki, yoxlama zamanı “Charlie”, “Saturn” və “Лунные Ночи” əmtəə nişanlı dondurmaların ön tərəfindəki markalanma məlumatlarının, habelə “СТАКАНЧИК”, “İce dream”, “СССР” və “ГОСТ” adlı dondurmaların adları və ön tərəfindəki markalanma məlumatlarının istehlakçılarda həmin məhsulların xaricdə istehsal olunması barədə yanlış təəssürat yaradan formada yalnız xarici dildə verildiyi müəyyən edilib.
 
Bundan başqa, “Saturn” əmtəə nişanlı dondurmaların markalanmasında məhsulun qida və enerji dəyəri barədə məlumatın verilmədiyi, “Baton karamelli” və “Lovetta” adlı dondurmaların markalanmasında məhsulun qida və enerji dəyəri barədə düzgün olmayan məlumatlar verildiyi aşkarlanıb.
 
Yol verilən qanun pozuntusu ilə əlaqədar Dövlət Xidməti tərəfindən “S.A.B.A. Şirkəti” MMC barəsində antiinhisar qanunvericiliyinin tələblərinin pozulması əlamətləri üzrə iş qaldırılıb.
 




19.06.2014    çap et  çap et