Avropa və dünya onkologiyasının lokomotivlərindən sayılan “European Society of Medical Oncology” (ESMO) təşkilatının rəhbərliyi və təşkilatçılığı ilə bu il iyun ayının sonunda İspaniyanın Barselona şəhərində Mədə-bağırsaq sisteminin bədxassəli şişlərinə həsr edilmiş dünya konqresi keçiriləcək.
Lent.az-ın məlumatına görə, bu mürəkkəb elm sahəsinin digər lokomotivi isə Amerikanın nüfuzlu American Society of Clinical Oncology (ASCO) təşkilatı sayılır.
Konqres ildə bir dəfə keçirilir və sayca 16-cı olan, dünyanın bütün ölkələrindən mindən çox tədqiqatçının iştirakı ilə keçirilən bu konqresdə təxminən 300 məruzəçiyə elmi çıxış üçün dəvət göndərilir. Dünyanın əksər ölkələrinin tədbirdə iştirak etməsinə baxmayaraq, təxminən yalnız 40-50 ölkədən məruzəçi seçilir. Konqresdə yalnız maraq doğuran məruzələrin oxunmasına icazə verilir.
3-cü ildir ki, dünya konqresində ölkəmizi Azərbaycan Tibb Universitetinin Onkoloji Klinikasının Mədə-bağırsaq onkologiyası şöbəsinin rəhbəri, tibb elmləri doktoru Ramiz Bayramov təmsil edir.
Qeyd edək ki, tibb elmləri doktoru Ramiz Bayramov bu mötəbər konqresdə artıq üçüncü dəfədir geniş məruzə ilə çıxış edəcək.
çap et