525.Az
Elçin və Azərbaycan mühacirətşünaslığının problemləri
Bu günlərdə filologiya üzrə fəlsəfə doktoru, dosent, Azərbaycan Respublikasının Dövlət Mükafatı laureatı Nikpur Cabbarlının “Elçin və Azərbaycan mühacirətşünaslığının problemləri” kitabı “Təhsil” nəşriyyatında nəfis tərtibatla çap olunub.
Kitabda Azərbaycan mühacirətşünaslığının təşəkkül tarixinə müxtəsər nəzər salınır və belə bir müddəa irəli sürülür ki, 1980-ci illərin sonlarından etibarən keçmiş SSRİ məkanında, o cümlədən Azərbaycanda gedən ictimai-siyasi proseslərin təbii sonucu kimi mühacirətə marağın artması ilə bu sahə özünün yeni inkişaf mərhələsinə qədəm qoyub. Müəllifin qənaətincə, milli mühacirətşünaslığımızın həmin mərhələsi ilk növbədə görkəmli yazıçı, ədəbiyyatşünas və tənqidçi Elçinin adı və fəaliyyəti ilə səciyyələnir.
Araşdırmada Elçinin Azərbaycan mühacirətinin tarixi, mühacirətin bədii və elmi irsinin tədqiqi prinsipləri, bu irsin çağdaş ədəbi-elmi dövriyyəyə cəlb edilməsi zərurəti ilə bağlı müxtəlif məqalə və müsahibələrindəki fikirləri sistemli təhlil edilib dəyərləndirilir, bununla da alimin sözügedən sahənin inkişafındakı əhəmiyyətli rolu təsbit olunur.
Elçinin mühacirətşünaslıq problemlərinə dair görüşlərini əks etdirən yazıları, həmçinin uyğun illüstrativ materiallar da araşdırmaya əlavə edilib.
Kitabın elmi redaktoru filologiya üzrə fəlsəfə doktoru Abid Tahirlidir.
Sevinc
19.07.2014 çap et