Rusiya prezidenti Vladimir Putin Xüsusi Miqrasiya Təşkilatları haqqında Rusiya Federasiyası qanunvericiliyinin təkmilləşdirilməsi və Rusiya Federasiyasının bəzi qanunvericilik aktlarına dəyişikliklər edilməsi haqqında federal qanun imzalayıb.
Modern.az xarici mətbuata istinadən xəbər verir ki, miqrasiya haqqında qanuna edilən dəyişikliyə əsasən, hökumət rus dili imtahanından keçən əcnəbilərə xüsusi viza verəcək. Bu, Rusiya Federasiyasında yaşamaq və işləmək istəyən xarici vətəndaşların cəlb edilməsi prosedurun təkmilləşdirilməsinə yönəlib. Belə ki, vizanın müddəti bir il olacaq, rus dili imtahanından keçən və xüsusi viza alan əcnəbi vətəndaş Rusiya vətəndaşı olmaq üçün xüsusi komissiyanın iştirakı ilə rus dili üzrə müsahibədən keçməli olacaq.
Bundan sonra əcnəbi öz ölkəsinin vətəndaşl;ğından imtina etməli və həmişəlik Rusiyaya yerləşməlidir. Rusiyaya gələndən sonra iki il müddətinə vətəndaşlıq almaq üçün müvafiq orqanlara müraciət etməzsə, həmin şəxsin ölkədən çıxarılacağı bildirilir.
Qeyd edək ki, bu qayda Rusiya Federasiyasının “Xarici vətəndaşların hüquqi statusu haqqında” Federal Qanunun 13-1, 13-3, 18 maddələrin müvafiq dəyişikliklər edir.
çap et