ABU-nun sabiq rektoru Elşad Abdullayevin işində adı hallanan iş adamı Arzu Kazımov həbs edilib.
Bu barədə “Azadlıq” qəzeti məlumat yayıb. Qəzetin yazdığına görə, rektorun oğurlanmış qardaşının tapılması üçün aparılan pərdəarxası əməliyyatlarda adı keçən iş adamı barəsində Səbayel rayon Məhkəməsinin qərarı ilə üç aylıq həbs qətimkan tədbiri seçilib.
A.Kazımovun vəkili Ramiz Zeynalov faktı təsdiqləyib, ancaq bildirib ki, Elşad Abdullayevin Arzu Kazımova pul verdiyinə dair heç bir dəlil-sübut yoxdur.
E.Abdullayevin iddiasına görə, o, A.Kazımovun əli ilə daxili işlər nazirinin keçmiş müavini Zahid Dünyamalıyevə 3 milyon dollar pul verib.
çap et