525.Az

Girovların ailələrinə Avropa İnsan Haqları Məhkəməsinə müraciət tövsiyyə edilib


 

Girovların ailələrinə Avropa İnsan Haqları Məhkəməsinə müraciət tövsiyyə edilib<b style="color:red"></b> “Şahbaz Quliyev və Dilqəm Əsgərovun Qarabağda girov saxlanılması və onların üzərində saxta məhkəmə keçirilməsinə görə məsuliyyət birbaşa Ermənistanın üzərinə düşür”.
 
APA-nın məlumatına görə, bunu Azərbaycanın Avropa İnsan Haqları Məhkəməsindəki səlahiyyətli nümayəndəsi Çingiz Əsgərov deyib.
 
Ç. Əsgərov bildirib ki, bu şəxslərin öz torpaqlarında girov saxlanılması və üzərlərində məhkəmə qurulması tam qanunsuzdur və beynəlxalq hüquqa ziddir:
 
“Girovların ailələrinə tövsiyə edərdim ki, Avropa İnsan Haqları Məhkəməsinə müraciət etsinlər. Onlara hər cür köməklik göstərməyə hazırıq. Bu məsələdə Ermənistanın məsuliyyət daşıdığı şübhə doğurmur. “Çıraqov Ermənistana qarşı” işində də Avropa İnsan Haqları Məhkəməsi bu dövlətin işğalçı əməllərini təsdiqləyib, Azərbaycan torpaqlarının təcavüzə məruz qalması faktının danılmazlığı ortaya çıxıb”.
 




25.10.2014    çap et  çap et