Bakıda quldurluq etmiş qardaşlar tutulub.
525.az-ın Daxili İşlər Nazirliyinin mətbuat xidmətinə istinadən verdiyi məlumata görə, Nəsimi rayonu ərazisində, Bakı şəhər sakini Elməddin Quliyevin “Daewoo” markalı avtomaşınında hücum edilib. Maşına sərnişin qismində oturan 2 naməlum şəxs küt alətlə ona baş nahiyəsindən xəsarət yetirib, 80 manat pulunu alıb.
Nəsimi RPİ 22-ci PB əməkdaşlarının həyata keçirdikləri əməliyyat-axtarış tədbirləri nəticəsində hadisəni törədən, şəhər sakinləri, Tural Bacanov və onun qardaşı Tərlan tutulublar.
Turaldan 1,7 qram, Tərlandan isə 1,6 qram heroin götürülüb. Araşdırmalar zamanı noyabrın 16-da Tofiqə Qasımova qarşı quldurluğun Tərlan və Tural Bacanov qardaşları tərəfindən törədilməsi də müəyyən edilib.
Qeyd edək ki, hər iki qardaş əvvəllər də məhkumluq həyatı yaşayıblar.