Xəzər dənizinin Xaçmaz rayonu ərazisində 4 balıqçının olduğu qayıq batıb.
APA-nın şimal bürosunun məlumatına görə, ötən gün axşam saatlarında axtarışlara FHN-nin Dövlət Sularda Xilasetmə Xidmətinin dalğıc-xilasediciləri və helikopter cəlb edilib.
Batan balıqçılar - Siyəzən rayonu Yenikənd qəsəbə sakinləri, 1981-ci il təvəllüdlü Əkbərov Vüsal Fəxrəddin oğlu, 1991-ci il təvəllüdlü Əkbərov Əkbər Fəxrəddin oğlu, 1982-ci il təvəllüdlü Səlimov Rəsul Zakir oğlu və Xaçmaz rayonu Müqtədir qəsəbə sakini 1987-ci il təvəllüdlü İlyasov Seymur Arif oğlu axtarışına başlanıb. Onlardan Əkbərov Vüsal Fəxrəddin oğlunun meyiti tapılıb. Dalğalar balıqçıların qayığını da sahilə çıxarıb.
Digər 3 balıqçının axtarışları davam etdirilir.
Hadisə ilə bağlı Fövqəladə Hallar Nazirliyi də məlumat yayıb. Məlumatda bildirilir ki, hazırda 3 balıqçının axtarışları davam etdirilir.
Axtarışa Fövqəladə Hallar Nazirliyinin 1 ədəd helikopteri də cəlb edilib.
çap et