“9 May Qələbə gününün niyə həmişə Moskvada qeyd edildiyini anlamıram. Nəyə görə biz məhz Moskvanın hərbi əməliyyatlarının bitdiyi yer kimi qəbul edilməsinə öyrəşmişik?”.
APA-nın Rusiya mətbuatına istinadən verdiyi məlumata görə, bunu RMF radiosunun efirində Polşa xarici işlər naziri Qjeqoj Sxetına deyib.
Onun sözlərinə görə, 9 May Qələbə gününün London, yaxud da digər Avropa ölkəsinin paytaxtında qeyd edilməsi daha məntiqli olardı. Bununla belə diplomat Qələbə gününün müharibənin başlandığı yerdə qeyd edilməsinin o qədər də xoş olmayacağını bildirib.
Xatırladaq ki, Polşa prezidenti Bronislav Komorovski Qələbə gününü mayın 8-də Qdansk yaxınlığında yerləşən Vesterplatte yarımadasında qeyd etməyi planlaşdırır. O, təntənəli mərasimə Avropa dövlətlərinin liderlərini dəvət etməyi düşünür.
çap et