Avropanın ən əhəmiyyətli və çox izlənilən “Eurovision” mahnı yarışmasının qalibi, eyni zamanda bu müsabiqənin aparıcısı olmuş Eldar Qasımov “I M Free” mahnısına çəkdirdiyi klipini təqdim edib.
525.az-ın verdiyi məlumata görə, sənətçinin “Eurovision” qalibiyyətindən sonra ilk solo klipi olan “I m Free” nin çəkilişlərinə 2012- ci ilin iyun ayının sonlarından başlanılıb. Çəkilişlər Ukraynanın paytaxtı Kiyevdə aparılıb.
Bu layihə bütünlüklə Ukraynanın məşhur Euomedia Group şirkətinin komandası tərəfindən həyata keçirilib. Layihənin ideya müəllifi və rejissoru Denis Qamzinov, operatoru Dmitriy Peretrutovdur. “Im Free” kompozisiyasını Eldar Qasımov Azerilife Music Entertainment prodüser mərkəzi ilə birgə yazıb, Mahının ərsəyə gəlməsində dj və prodüser Aligee (Əli Abasbəyli” və Rasif Babayev də iştirak edib.
Mahnı azərbaycanlı musiqi prodüseri Fərid Məmmədovun iştirakı ilə yazılıb. Eldar Qasımov yeni solo işini şərh edərkən bildirib ki: “Mən yalnız mahnı ifaçılığından kənara çıxmaq istəyirəm. Çünki adətən belə beynəlxalq müsabiqə iştirakçıları və qalibləri bununla qarşılaşır. Həm də “Running Scared” mahnısının yalnız bir hissəsi mənə aid idi biz bu hiti duet şəklində ifa etmişdik. Ancaq düşündüm ki, mənim də bir solo ifaçı kimi tamaşaçıya deyiləsi sözüm var”.
“I mFree” özünü qəflətən keçmiş məcburiyyətlərindən və bağlılıqlarından azad hiss edən bir insanın emosional portretini məhəbbət haqqında formalaşmış stereotiplər, yaradıcılıq və həyat tərzindən bəhs edən bir mahnıdır. Klipin sponsorluğu ZQAN Holding tərəfindən həyata keçirilib.
GÜNEL
çap et