Türkiyənin dövlət televiziya və radio şirkəti olan TRT-nin beynəlxalq bölməsi – TRT AVAZ Dağlıq Qarabağla bağlı “Qarabağın səssiz harayı” adlı sənədli film çəkib.
Modern.az Türkiyənin “Anadolu” agentliyinə istinadən xəbər verir ki, filmdə ermənilərin Dağlıq Qarabağı işğal etməsi və azərbaycanlılara qarşı təşkil etdikləri qırğınlar öz əksini tapıb.
Çoxseriyalı sənədli filmdə Qarabağdan didərgin düşən azərbaycanlıların xatirələrinə də yer veriləcək.
“Qarabağın səssiz harayı” filmi bir neçə xarici ölkədə, o cümlədən Azərbaycanda yayımlanacaq.
Filmin çəkilməsindən narahat olan Ermənistan mətbuatı isə Qarabağ gerçəklərini əks etdirən “Qarabağın səssiz harayı” filmini anti-erməni məzmunlu aksiya adlandırıb.
çap et