Planetin ən yaşlı sakini 116 yaşlı Bessi Kuper vəfat edib.
ANS PRESS-in xarici KİV-lərə istinadən verdiyi məlumata görə, o, dünən - 4 dekabrda Amerikanın Corciya ştatında Qocalar Evində dünyasını dəyişib. Bessi Kuper 26 avqust 1896-cı ildə Tennessi ştatında doğulub.
Yaşı sənədlərlə təsdiqlənən qadının adı 2011-ci ilin yanvar ayında Ginnesin Rekordlar Kitabına salınıb. Lakin bu ilin mayında məlum olub ki, braziliyalı Mariya Qomes Valentin adıçəkilən Bessi Kuperdən 48 gün böyükdür. Braziliyalı qadın iyun ayında vəfat etdiyindən, amerikalı qadın düynanını ən yaşlı sakini tutulunu saxlayırdı.
Xatırladaq ki, dünyanın ən yaşlı sakinlərindən biri də hazırda Azərbaycanda yaşayır. Bu, Şəmkirdə yaşayan 117 yaşlı Yasəmən Qasımovadır. Sənədlərdə Yasəmən Qasımovanın 1895-ci ildə Şəmkirin Dəllər qəsəbəsində doğulduğu göstərilsə də, Ginnesin Rekordlar Kitabının bu qoca qadının varlığından xəbərsizdir. Yasəmən nənə hazırda da həmin qəsəbədə tənha yaşayır.
çap et