Bakıda dəm qazı ailə faciəsinə səbəb olub

Faktla bağlı araşdırma aparılır.

Binəqədi Rayon Prokurorluğundan APA-ya verilən məlumata görə, hadisə Biləcəri qəsəbəsi, Fin evi küçəsi, ev 76 ünvanında qeydə alınıb. Həmin ünvanda kirayədə yaşayanlar - 25 yaşlı Aynur Mehman qızı Baxşıyeva və onun azyaşlı qızı Zəhra hamamda çimərkən dəm qazından zəhərləniblər. Onlar təcilli olaraq xəstəxanaya çatdırılsalar da, azyaşlının həyatını xilas etmək mümkün olmayıb. Ananın vəziyyəti isə ağır olaraq qalır.