525.Az

Karabük Universitetində “Azərbaycan-Türkiyə Elm və Dostluq Guşəsi”


 

Karabük Universitetində “Azərbaycan-Türkiyə Elm və Dostluq Guşəsi”<b style="color:red"></b> Qafqaz Beynəlxalq Münasibətlər və Strateji Araşdırmalar Mərkəzinin (QAFSAM) təşəbbüsü ilə Türkiyənin Karabük Universitetində “Türkiyə-Azərbaycan Elm və Dostluq Guşəsi”nin açılışı olub.

APA-nın məlumatına görə, Guşədə Azərbaycan tarixi, Azərbaycan-Türkiyə münasibətləri, Qarabağ problemi, uydurma erməni iddiaları, Azərbaycanın keçdiyi inkişaf yolu, Cənubi Qafqazdakı etnik münaqişələr, problemlər və əməkdaşlıq imkanları barədə kitablar, mövzu ilə bağlı məqalələrin dərc olunduğu jurnallar və elektron resurslar nümayiş etdirilib. Universitetin kitabxanasında açılan guşə daimi xarakter daşıyacaq.
 
Guşənin açılışından sonra isə “100-cü ilində soyqırım iddiaları” adlı konfrans keçirilib. Konfransda Karabük Universitetinin müəllimləri Ersin Müezzinoğlu və Umut Kedikli çıxış edib. Universitetin tələbə-müəllim heyətinin marağına səbəb olan tədbirdə ermənilər tərəfindən ortaya atılan iddiaların əsassızlığı və əsl qətliamların Tüklərə qarşı törədildiyi qeyd olunub.
 
Tədbir Türkiyə mediasında geniş işıqlandırılıb. Yeni guşənin açılması Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası tərəfindən maliyyələşdirilən “Türkiyə və Gürcüstan universitetlərində Qarabağ guşəsi yaradılması” layihəsinin davamı kimi həyata keçirilib.
 




01.05.2015    çap et  çap et