Orta məktəblərin bufetlərində çips və qazlaşdırılmış içkilərin satışı qadağan olunacaq

Azərbaycanda çörək istehsalı və məktəb bufetlərinin işi ilə bağlı standartlar hazırlanır və onların bu yaxınlarda qəbulu gözlənilir.

«APA-Economics»in xəbər verdiyi kimi, bunu Standartlaşdırma, Metrologiya və Patent üzrə Dövlət Komitəsinin sədri Ramiz Həsənov bəyan edib.
 
R.Həsənovun sözlərinə görə, çörək istehsalı standartında çörəyin paketləşmə məsələsi də öz əksini tapacaq. İkinci standarta gəlincə isə gözlənilir ki, bəzi məhsullar, məsələn, çips, qazlaşdırmış içkilər kimi məhsullar bufetlərdən kənarlaşdırılacaq.
 
R.Həsənov həmçinin bildirib ki, hazırda Komitə tərəfindən əhalinin şikayətləri əsasında yanacaqdoldurma stansiyalarında satılan yanacağın keyfiyyəti və standartlara uyğunluğu üzrə yoxlamalar aparır.