Əli Əhmədov yanğında xəsarət alanlara baş çəkib

Baş nazirin müavini Əli Əhmədov Bakıda baş verən yanğında yaralanan xəstələrin vəziyyəti ilə tanış olmaq üçün Kliniki Tibbi Mərkəzin toksikologiya şöbəsində olub.

APA-nın Yeni Azərbaycan Partiyasının saytına istinadən xəbərinə görə, baş nazirin müavini yaralılarla görüşüb, tibb heyəti tərəfindən həyata keçirilən təxirəsalınmaz tədbirlərin gücləndirilməsi ilə bağlı tapşırıqlar verib.