Havanada ABŞ səfirliyinin açılması üçün vəsaitlərin ayrılmasına qadağa qoyan “Maliyyələşdirmələr haqqında” qanun layihəsi ABŞ Konqresinin Nümayəndələr Palatasına təqdim olunub.
APA-nın “TASS”a istinadən verdiyi xəbərə görə, sənədə əsasən, Vaşinqton Kubada diplomatik iştirakının gücləndirilməsinə ayıracaq vəsait ötən ilin dekabrın 17-dək davam etmiş göstəricidən çox olmamalıdır. Qeyd edək ki, məhz dekabrın 17-də ABŞ prezidenti Barak Obama Kuba ilə münasibətləri normallaşdırmaq niyyətində olduğunu bəyan etmişdi.
Layihə müəllifləri həmçinin Havananın ABŞ-da səfirlik açmaq planının Vaşinqton tərəfindən maliyyələşdirməsinə qarşı da çıxış edib.
Bundan başqa onlar Dövlət Departamentinə kubalı hərbçilərə və Kommunist partiyasının üzvlərinə viza verilməsini qadağa qoyur.
çap et