525.Az

Platini iyulun 30-da FİFA prezidentliyinə namizədliyini irəli sürəcək


 

Platini iyulun 30-da FİFA prezidentliyinə namizədliyini irəli sürəcək<b style="color:red"></b> UEFA rəhbəri Mişel Platini FİFA prezidentliyinə namizədliyini irəli sürəcək.

Apasport.az saytının Fransa mətbuatına istinadən xəbərinə görə, qitə futbol qurumunun başçısı namizədliyini 2 gün sonra rəsmən elan edəcək.
 
Platininin 6 konfederasiyadan 4-nün dəstəyi ilə təmin olunduğu haqda məlumatlar yayılıb.
 
Bir həftə öncə FİFA-nın İcraiyyə Komitəsi federasiyanın yeni prezident seçkisinin fevralın 26-da baş tutacağını və həmin müddətə qədər Blatterin quruma rəhbərlik edəcəyini açıqlamışdı.
 
Qeyd edək ki, mayın sonlarında FİFA tarixində görünməmiş qalmaqal baş vermişdi. Sürixdə federasiyanın yüksək vəzifəli 7 əməkdaşı həbs olunmuşdu.
 
DÇ-2010, DÇ-2018 və DÇ-2022-nin ev sahiblərinin müəyyənləşdirilməsində korrupsiya halı qeydə alındığı üçün İsveçrə polisi məsələ ilə bağlı cinayət işi açmışdı. Buna rəğmən Blatter mayın 29-da FİFA-nın konqresində növbəti dəfə prezident seçilsə də, 4 gün sonra korrupsiya qalmaqalı ilə əlaqədar olaraq istefa verdiyi açıqlamışdı.
 




28.07.2015    çap et  çap et