Böyük Britaniya təşkilatı Dağlıq Qarabağda minatəmizləmə əməliyyatlarını dayandıra bilər

«Halo Trust» maliyyə problemləri ilə üzləşdiyindən əməliyyatlar dayana bilər

Ermənistanın işğalı altında olan Azərbaycanın Dağlıq Qarabağ bölgəsində Böyük Britaniyanın «Halo Trust» təşkilatı tərəfindən aparılan minatəmizləmə əməliyyatları dayana bilər. APA-nın məlumatına görə, bu barədə «Halo Trust» təşkilatının yaydığı məlumatda bildirilib.
 
Məlumatda qeyd olunub ki, indiyədək «Halo Trust»un Dağlıq Qarabağdakı əməliyyatları ABŞ-ın Beynəlxalq İnkişaf Agentliyi (USAİD) və Kanadanın “Reece Foundation and Grapes for Humanity” şirkəti tərəfindən dəstəklənib. Lakin təşkilat 2013-cü il üçün yeni donorlar tapa bilməyib. Bu isə işlərin təxirə salınmasına gətirib çıxara bilər.