“Baku Bus” MMC seçki günü hansı rejimdə işləyəcək?

Azərbaycanda Milli Məclisə noyabrın 1-ə təyin edilmiş seçki günü əlavə avtobuslara ehtiyac olduğu təqdirdə xəttə yeniləri buraxılacaq.

Trend-in xəbərinə görə, bunu “Baku Bus” MMC-nin direktor müavini Vüsal Kərimli açıqlamasında deyib.

Onun sözlərinə görə, “Baku Bus” MMC-yə sözügedən məsələ ilə bağlı hər hansı müraciət daxil olmayıb:

“Avtobusların artırılması ilə bağlı quruma müraciətlər daxil olarsa, xətdəki avtobusların sayı artırılacaq”.