Rus qəzetindən "Möhtəşəm yüz il"in ölkədə qadağasına istehza

Moskva və Ankara arasında baş verən təyyarə böhranından sonra iki ölkə arasında münasibətlər soyumağa davam edir.

Axşam.az-ın məlumatına görə, "Komsomolskaya Pravda" qəzetində Moskva şəhər məclisinin üzvü Yevgeniy Gerasimovun maraqlı açıqlaması yer alıb. Millət vəkili Rusiyada yayımlanan türk seriallarının qadağasını tələb edib:

"İlk olaraq "Möhtəşəm yüz il" qadağan olunmalıdır. Çünki izləməyə dəyər bir şey deyil".

Qəzet də Gerasimovun bu açıqlamasını lağa qoyaraq əlavə edib:

"Bizə görə təkcə "Möhtəşəm yüz il" deyil, Tarkanın mahnıları da qadağan olunsun. Sonra Rusiyada məşhur "Xor Turetskovo" var, onun da rus əsilli şefinin soyadı "Türkoğlu" olduğu üçün heç şansı yoxdur. İngiliscədə "hind toyuğu" da Türkiyə ilə eyni sözdür - "Turkey". Ona görə hind toyuğu əti də qadağan olunsun. Ayrıca, türk qəhvəsinə də başqa ad tapmalıyıq".