Khaled Hosseinin yeni romanı 2013-cü ilin mayında çıxacaq.
Xəbəri «New York Times» Riverhead Books nəşriyyatına istinadən yazıb.
6 ildən sonra yazılan, «Və dağlarda əks-səda verdi» (And The Mountains Echoed) adlanan roman yenə doğmalar arasındakı münasibətlərə həsr olunub.
Əgər keçmiş romanlarda atalar və analar üzərində dayanılırdısa, bu dəfə diqqət mərkəzində bacı-qardaş əlaqələri durur.
Əfqan mənşəli Amerika yazıçısı Khaled Hosseini (1965-ci ildə doğulub) 2003-cü ildə yazdığı «Çərpələng uçuran» («The Kite Runner») romanı ilə məşhurlaşıb.
Kitab 107 həftə «The New York Times»ın «bestseller» siyahısında qərar tutub.
2007-ci ildə roman ekranlaşdırılıb.
Elə həmin il Hoseyninin ikinci romanı – «Min möhtəşəm günəş» çapdan çıxıb.
Khaled Hosseinin «Çərpələng uçuran» romanı Azərbaycan dilinə çevrilib.
azadlig.org
çap et