525.Az

"Qazın verilməsində məhdudiyyət yoxdur"


 

"Qazın verilməsində məhdudiyyət yoxdur"<b style="color:red"></b> "Bu gün səhər saatlarında müşahidə olunan soyuq və küləkli havaya baxmayaraq, Bakı və ətraf qəsəbələrə mavi yanacağın verilməsində heç bir məhdudiyyət olmayıb".

Bunu APA-ya açıqlamasında "Azəriqaz" İB-nin ictimaiyyətlə əlaqələr şöbəsinin rəisi İbrahim Kərbəlayev bildirib.
 
Onun sözlərinə görə, bu gün "Azəriqaz" İB-nin qəza xidmətinin 104 saylı telefon xəttinə mavi yanacağın verilişi ilə bağlı hər hansı bir şikayət də daxil olmayıb.
 
Abşeron rayonu, Pirişkül qəsəbəsinə 15 gündür qaz verilməməsi xəbərinə münasibət bildirən qurum rəsmisi bildirib ki, onlarda belə bir fakt qeydə alınmayıb: "Fərdi qaydada ev tikən abonentlərimizdə problem yaransa,  əməkdaşlarımız həmin ünvana gedib baxış keçirib lazımı tədbir görürlər".
 
 "Azəriqaz" rəsmisi bildirib ki, qazın verilməməsi ilə bağlı kütləvi heç bir şikayət qeydə alınmayıb.
 




08.02.2016    çap et  çap et