Məşhur müğənni Beyons ABŞ prezidenti Barak Obamanın Konqresin bağçasındakı andiçmə mərasimində ABŞ himnini fonoqramdan oxuduğunu etiraf edib.
525.a-ın TRT-yə istinadən verdiyi məlumata görə, Nyu-Orleans şəhərində mətbuat konfransı keçirən müğənni himni bilmədiyi üçün canlı oxumadığına dair iddiaları təkzib edib. Beyons toplantının əvvəlində bu iddialara cavab olaraq himni canlı ifa edib.
Müğənni mükəmməliyyətçi olduğu üçün və prezident qarşısında unudulmaz şəkildə himni ifa etmək üçün fonoqram oxuduğunu bildirib: "Ayaqlarım uyuşana qədər himni təkrar etdim. Orkestrlə məşq edəcək vaxtımız yoxdu. Səsi yoxlamaq üçün uyğun şərait də yoxdu. Bu səbəbdən belə bir riskə getmək üçün özümü yaxşı hiss etmədim. Himn oxuyacağım yer ABŞ prezidentinin andiçmə mərasimiydi. Həm onu, həm də ölkəmi qürurlandırmaq istədim. Bu səbəbdən musiqi dünyasında çox sıx görülən bir şey elədim - himni əvvəlcədən lentə alaraq səsləndirmə yoluyla oxudum. Oxumağımla da qürur duyuram".
çap et