525.Az
Zabit və əsgərimiz şəhid olub (Yenilənib)
Azərbaycan Ordusu cəbhədə itkilər verib.
Bu barədə APA-ya Müdafiə Nazirliyinin mətbuat xidmətindən bildirilib.
Məlumata görə, Xocavənd rayonunun Kuropatkino kəndi yaxınlığında Ermənistan silahlı birləşmələrinin atəşkəsi pozması nəticəsində Azərbaycan Ordusunun əsgəri, 1994-cü il təvəllüdlü Əlizadə Sənan Dövlət oğlu şəhid olub.
Qeyd edək ki, S. Əlizadə Cəlilabad rayonundan həqiqi hərbi xidmətə çağırılıb.
APA-nın əldə etdiyi məlumata görə, ordumuz cəbhədə daha bir itki verib. Azərbaycan Ordusunun leytenantı Tural Nadir oğlu Əsgərov düşmən gülləsinə tuş gəlib. O, aldığı güllə yarasından şəhid olub.
05.02.2013 
çap et