525.Az

Fransa senatoru: "Mövcud status-kvo qəbuledilməzdir"


 

Fransa senatoru: "Mövcud status-kvo qəbuledilməzdir"<b style="color:red"></b> “Aydındır ki, Ermənistan və Azərbaycan arasında olan münaqişə heç də dondurulmuş deyil. Mövcud status-kvo qəbuledilməzdir. Biz tezliklə həll yolu tapmalıyıq".
 
Avropa Azərbaycan Cəmiyyətindən (AAC) APA-ya daxil olan məlumata görə, bu barədə Fransa Senatındakı Fransa-Qafqaz dostluq qrupunun prezidenti, senator Andre Reixardtın Ermənistan və Azərbaycan qoşunlarının təmas xəttində düşmən tərəfindən atəşkəsin pozulması ilə bağlı bəyanatında bildirilib.
 
Bəyanatda qeud olunub ki, ATƏT-in Minsk Qrupu heç bir səmərə verməyən “addım-addım” strategiyasınından imtina etməli və  hərəkətə keçməlidir: "Azərbaycan özünün Dağlıq Qarabağ və  yeddi ətraf rayonun, ərazisinin 20 faizinin işğal altında qalmasını və Ermənistana dəhliz kimi istifadə edilməsini qəbul edə bilməz. Birləşmiş Millətlər Təşkilatı Təhlükəsizlik Şurasının erməni qoşunlarının Azərbaycan ərazilərindən dərhal və qeyd-şərtsiz çıxarılmasını tələb edən qətnamələri icra edilməlidir".
 
"Biz heç nə baş verməmiş kimi davranmağa davam edə bilmərik. Bu qətnamələr Ermənistana görə icra edilmir və azərbaycanlıların narazılığı bizi təəccübləndirməməlidir. Düzdür, Suriya və ya İraqda baş verənlərlə müqaisədə bu münaqişə başqalarından daha az əhəmiyyətli görünə bilər. Lakin bu münaqişə nəzarətdən çıxmaq üzrədir və insan itkiləri həddindən artıq çoxdur. Biz həll yolu tapmalıyıq" deyə, A. Reixardt vurğulayıb.
 




04.04.2016    çap et  çap et