“Real”ın hücumçusu Kriştiano Ronaldo sabah Çempionlar Liqasının 1/2 final mərhələsinin “Mançester Siti”yə qarşı keçiriləcək cavab oyununda iştirak edəcək.
Qol.az-ın xarici KİV-lərə istinadən yaydığı xəbərə görə, bu haqda klubun baş məşqçisi Zinəddin Zidan bu gün keçirdiyi mətbuat konfransında bildirib.
“O, matça 100 faiz hazırdır. Ronaldo komandayla birgə məşq edib və sabah meydanda olacaq. Onun zədəsi ilə bağlı risk yoxdur”.
Z.Zidan onu da deyib ki, sabahkı qarşılaşmada komandasının hücumçusu Kərim Benzema oynamayacaq.
Xatırladaq ki, bu komandaların ilk qarşılaşmasında hesab açılmayıb.
çap et