ANS TV-nin yeni efir mövsümündə televiziya tamaşaçılarına təqdim etdiyi "İkinci Həyat" layihəsində yaşanmış xoşagəlməz hadisələrdən sonra, mətbuatda verilişin aparıcısı Ulvira Qarayevanın işdən qovulduğu barədə xəbərlər yayılıb. ANS PRESS-in məlumatına görə, teleaparıcı nə işdən qovulub, nə də işdən çıxarılıb. Sadəcə yaranmış vəziyyət üzündən bir müddətlik efirdən uzaqlaşdırılıb.
Milli Televiziya və Radio Şurasınin xəbərdarlığından sonra telekanalın rəhbərliyi tərəfindən layihənin yaradıcı heyətinə ciddi xəbərdarlıq edilib və proqramın yayımı müvəqqəti olaraq dayandırılıb. Onlar verilişin formatını dəyişdirilməsi istiqamətində təkliflər hazırlamaq tapşırığı verilib.
Xatırladaq ki, sentyabr ayının 17-i və 18-ində birbaşa yayımlanan “İkinci Həyat” verilişinə telefon vasitəsilə canlı bağlanan tamaşaçılar etikadan kənar ifadələr işlətmişdilər.
çap et