Bakı metrosunda qatarların hərəkətində problem yaranıb.
APA-nın 28 May stansiyasında olan əməkdaşının verdiyi məlumata görə, yarım saata yaxındır ki, Həzi Aslanov - İçərişəhər, Həzi Aslanov – Dərnəgül xətti və əks istiqamətlər üzrə qatarların hərəkəti dayanıb.
Metroda sərnişin sıxlığı yaranıb. Stansiyanın növbətçi dispetçeri sərnişinlərə metroda nasazlıq yaranması barədə xəbərdarlıq edib.
Bakı Metropolitenindən APA-ya hadisənin səbəblərini izah etmək istəməyiblər. Metropolitenin məlumat bürosundan bildirib ki, qatarların hərəkətində yaranan problem texniki nasazlıqla bağlıdır və artıq həll edilib.
çap et