Fransız bəstəkar Xocalı üçün musiqi bəstələdi

Avropa Azərbaycan Cəmiyyətinin sifarişi ilə fransız bəstəkarı Pyer Tiloy (Pierre Thilloy) Xocalı faciəsinə həsr edilmiş “Xocalı 613” adlı klassik musqi əsəri bəstələyib.

525.az-ın məlumatına görə, əsərin ilk premyerası fevralın 21-də Parisin “Saint Roch” kilsəsində keçiriləcək. Orion orkestrinin müşayiət etdiyi konsert proqramına dirijor Laurent Petiqirard rəhbərlik edəcək. London primyerası isə fevralın 26-da “St John's, Smith Square” kilsəsində baş tutacaq.

Müəllif Pier Tiloy Azərbaycanda yaşamış və işləmiş, yeni musiqi əsərində Qərb klassik musiqisi ilə ənənəvi Azərbaycan musiqisini sintez edib.