İspaniya milli komandasının sabiq futbolçusu Xavi Ernandes “Avro-2016”nın 1/8 final mərhələsində keçiriləcək İtaliya – İspaniya oyunu haqda danışıb.
Qol.az-ın məlumatına görə, ölkəsinin mətbuatına açıqlama verən 36 yaşlı yarımmüdafiəçi İtaliyanın ispanlar üçün qorxulu rəqib olduğunu bildirib:
“Maraqlı oyun olacağına inanıram. Biz son Avropa çempionatının finalında bu komandanı məğlub etmişik. Buna baxmayaraq, İspaniya həmişə İtaliyadan qorxub. İtaliya millisi hazırda “Atletiko” və “Barselona”nın oyun üslubunu özündə cəmləşdirib”.
Xavi komandaların fərqindən də danışıb: “Bu komandalar yarımfinal və ya finalda üz-üzə gələ bilərdi. Ancaq bir qədər tez qarşılşacaqlar. İspaniya topla daha çox oynayacaq. Komandamız topsuz oynaya bilmir. İtaliya isə əzmkar oyunu ilə fərqlənir”.
Qeyd edək ki, Xavi 2012-ci ildə keçirilən Avropa çempionatınını finalında İtaliya üzərində qazanılan 4:0 hesablı qələbədə iştirak edib.
çap et