525.Az

Hakan Şükür və Rinat Dasayev Bakıda


 

Hakan Şükür və Rinat Dasayev Bakıda<b style="color:red"></b> Azərbaycanın mərhum prezidenti Heydər Əliyevin 90 illik yubileyi münasibətilə Bakıda keçiriləcək yoldaşlıq görüşündə iştirak etmək üçün dünyanın bir sıra məşhur veteran futbolçuları ilə danışıqlara başlanılıb. Bu haqda Lent.az-a Futbol Veteranları İttifaqının (FVİ) sədri Oqtay Abdullayev məlumat verib.
 
Onun sözlərinə görə, veteran futbolçular Almaniya, Hollandiya, Türkiyə və keçmiş SSRİ respublikalarından olacaq. Abdullayev bildirib ki, mümkün namizədlər Hollandiyadan Ronald de Bur, Türkiyədən Bülent Korkmaz və Hakan Şükür, Rusiyadan Rinat Dasayev, Vagiz Xidyatullin, Ukraynadan İqor Belanov, Leonid Buryak, Vitali Şevçenkodur. Onlarla danışıqlarda vasitəçiliyi AFFA edəcək. Almaniyalı veteranlarla isə danışıqları milli komandamızın baş məşqçisi Berti Foqts aparacaq. 
 
Azərbaycan və dünyanın veteran futbolçulardan ibarət yığma komandaları arasında yoldaşlıq görüşü mayın ilk günlərində baş tutacaq. Ardından veteranlarımız Özbəkistana səfər edəcəklər. Onlar Daşkənddə Özbəkistanın veteranları ilə qarşılaşacaqlar. Görüş ölkəmizin Özbəkistandakı səfirliyinin dəstəyi ilə baş tutacaq.
 




05.03.2013    çap et  çap et