525.Az

Müəllimlərin işə qəbulu üzrə əlavə yerləşdirmə aparılacaq


 

Müəllimlərin işə qəbulu üzrə əlavə yerləşdirmə aparılacaq<b style="color:red"></b> Müəllimlərin işə qəbulu üzrə müsabiqədə müvafiq keçid balını toplayan, lakin topladığı bal seçdiyi vakant yer üçün kifayət etməyən, bununla da müsahibə mərhələsinə keçmək hüququ qazanmayan və ya müsahibədə iştirak etməyən namizədlər üçün əlavə yerləşdirmə aparılacaq.
 
Bu barədə APA-ya Təhsil Nazirliyinin mətbuat xidmətindən məlumat verilib.
 
Məlumata görə, 3-5 sentyabr tarixlərində müvafiq namizədlər şəxsi səhifələrinə daxil olmaqla, təklif edilən vakant yerləri seçə biləcəklər.
 
Qeyd olunub ki, əlavə yerləşdirmədə əvvəlki seçim zamanı tutulmamış 1558 yer və müsabiqə başa çatandan sonra yaranan yeni vakansiyalar elan ediləcək:

“Əlavə yerləşdirmə başa çatdıqdan sonra vakant yeri tutmaq hüququ əldə edən namizədlər müsahibə mərhələsinə dəvət olunacaqlar. Qeyd olunan mərhələdən uğurla keçən namizədlər müəllim adını qazanacaqlar”.
 




31.08.2016    çap et  çap et