TÜRKÜN QƏHRƏMANLIQ DASTANI - ÇANAQQALA ZƏFƏRİ
18 mart – Çanaqqala Dəniz Zəfərinin 98-ci ildönümü və Türkiyədə rəsmi şəkildə qeyd olunan şəhidləri anma günü hər il olduğu kimi bu il də Çanaqqalada gerçəkləşdirilib.
Hər il rəsmi şəkildə qeyd olunan anım törəni, bu il də şəhidlərin ruhunu 1 dəqiqəlik sükutla yad edilməsi və istiqlal marşının sədaları ilə başlayıb.
Çanaqqala valiliyinin birbaşa protokolu əsasında baş tutan törəndə Türkiyənin bir çox siyasət xadimləri çıxış edib türkün qəhrəmanlıq salnaməsi olan Çanaqqala savaşından danışıblar. “Çanaqqala keçilməz” deyərək Çanaqqala Zəfərinin Türk milləti və ümumən Türk Dünyası üçün önəmli bir tarix olduğunu qeyd etdilər.
Çanaqqalada şəhid olan azərbaycanlıların, Bakıda və Azərbaycanın digər şəhər və rayonlarında şəhid olan Qafqaz İslam Ordusunun əsgərlərinin nə üçün savaşdıqlarını, öz doğma yurdlarından minlərlə kilometr uzaqlarda nə üçün savaşa atılmaqları bir daha türk millətinin bütövlüyü və qardaşlığından xəbər verdiyini vurğulayıblar.
Çanaqqala Zəfərinin 98-ci ildönümü münasibəti ilə yalnız Türkiyəni deyil, bütün Türk Dünyasını, müsəlman aləmini və bütün tərəqqipərvər bəşəriyyətin təbrik etmənin anlamlı olduğu vurğulanıb.
Türkiyənin baş naziri Rəcəb Tayyib Ərdoğanın iştirakı ilə düzənlənmiş törəndə bir çox dövlətlərin rəsmi nümayəndələri də iştirak edib.
Anım törəninə Çanaqqala valisi tərəfindən dəvət olunmuş “Azərbaycan Bayrağı” ordeni ilə mükafatlandırılmış qəhrəmanımız “Yaşayan şəhid” və şahidimiz İbad Hüseynov da qatılıb. Onu da qeyd edək ki, bir ay öncə qəhrəmanımız İbad Hüseynov Çanaqqada 18 mart universitetində “Qarabağ savaşı qəhrəmanın gözüylə” adlı panelinə dəvət olunmuşdu. O yadda qalan və tarixləşən görüşlərin təəssüratından çıxmamış , yenidən Çannaqqala Zəfərinin 98-ci ildönümü və Şəhitlərin Anım törəninə dəvət də tarixi bir ana çevrilib.
Törəndə Azərbaycanın İstanbuldakı konsolosu Kənan Murtuzov, qəhrəmanımız İbad Hüseynov , “Atilla”jurnalının baş redaktoru Gülşən Behbud, Beynəlxalq Diaspora Mərkəzi aparatının rəhbəri Samir Adıgözəlzadə da iştirak edirdilər.
Baş nazir Rəcəb Tayyib Ərdoğanın hər zamanki kimi sevgi və məhəbbət dolu çıxışından sonra Çanakkale Şəhidliyi ziyarət edildi.
Ziyarət zamanı Rəcəb Tayyib Ərdoğan Azərbaycanın qəhrəman oğlu İbad Hüseynovla görüşdə “...Çanakkale ziyarətini hak edən türk kahramanı xoş gəldin Çanakkalemizə” soylədi. Onu da qeyd edək ki, Rəcəb Tayyib Ərdoğanın qəhrəmanımızla növbəti görüşü idi.
Sonra baş nazir Rəcəb Tayyib Ərdoğan, Türkiyə ordusunun baş qərargah rəisi ordu generalı Necdet Özəl, Türkiyə Jandarma Qüvvələrinin baş komandanı, ordu generalı Bəkir Kalyoncu və digər siyasi xadimlər və qəhrəmanımız İbad Hüseynov Çanaqqala şəhidliyini ziyarət etdikdən sonra Türk ordusunun hava və dəniz qüvvələrini müşahidə etdilər.
Türkiyə ordusunun baş qərargah rəisi ordu generalı Necdet Özəl, Türkiyə Jandarma Qüvvələrinin baş komandanı, ordu generalı Bəkir Kalyoncunun qəhrəmanımız İbad Hüseynovla görüşüb.
çap et