525.Az
“Azərbaycanlı biznesmenlərə qarşı təzyiq halları araşdırılacaq”
“Ukraynada azərbaycanlıların biznesinə qarşı təzyiqlərlə bağlı hallar nəinki hüquq-mühafizə orqanlarının, həmçinin deputatların diqqət mərkəzində və nəzarəti altında olacaq”.
Bunu APA-ya açıqlamasında Ukrayna Ali Radasının Azərbaycanla parlamentlərarası əlaqələr üzrə işçi qrupunun rəhbəri Maksim Kuryaçiy deyib.
"Biz bu işdə Azərbaycanın Ukraynadakı səfirliyi və Azərbaycan diasporu ilə fəal şəkildə əməkdaşlıq edəcəyik. Bu kimi heç bir hal diqqətimizdən kənarda qalmayacaq və mütləq araşdırılacaq", - deyə o vurğulayıb.
Ukraynada Kiyev-Bakı münasibətlərinin pisləşməsini arzulayan qüvvələrin olduğunu deyən deputat iki ölkə liderinin müəyyən etdiyi strateji kursa sadiq qalmağının vacibliyini vurğulayıb.
21.02.2017 
çap et