Bu gün Bakıda baş vermiş dəhşətli hadisənin təfərrüatları məlum olub.
Hüquq-mühafizə orqanlarından Lent.az-a verilən məlumata görə, aprelin 26-da Ramanı qəsəbəsi, Şuşa şəhərciyində yaşayan 2 gənc oğlanın itkin düşməsi barədə 12-ci Polis Bölməsinə məlumat daxil olub. Əli və Ruslan adlı bu gənclərin axtarışını başlanılıb. Bu gün isə səhər saatlarında şəhərcikdə yeni tikilməkdə olan evlərdən birində onların hər ikisinin meyiti tapılıb. Səhər saatlarında həmin tikilidə işləməyə gələn ustalar asılı vəziyyətdə iki meyit aşkarlayıblar və dərhal polisə məlumat veriblər. İlkin baxış nəticəsində meyiti tapılan gənclərin dünən itkin düşmüş 18 yaşlı Əli və Ruslan olması məlum olub. İki gənc yaşadıqları evdən bir qədər aralıdakı yarımtikilidə intihar edib.
Məlumata görə, intihar etmiş gənclər möhkəm dost olublar.
Sabunçu Rayon Polis İdarəsindən APA-ya bildirilib ki, yardımçı tikilidə asılmış meyitləri tapılan şəxslər 1995-ci il təvəllüdlü, Naxçıvan şəhər sakini Ramil Vidadi oğlu Bayramov və 1995-ci il təvəllüdlü, Cəlilabad sakini Qəmbərli Əli Oruc oğludur.
Qeyd edək ki, Sabunçu rayon Polis İdarəsindən APA-ya verilən məlumata görə, hadisə bu gün Ramanı qəsəbəsi, Şuşa şəhərciyində qeydə alınıb.
Hadisə yerinə Sabunçu Rayon Prokurorluğunun əməkdaşları cəlb edilib. Hazırda hadisə yerində araşdırmalar davam etdirilir.
çap et