Avropa Liqasında "Neftçi"nin rəqibi olan "İnter" klubu İtaliya A seriyasında növbəti matçını keçirib.
Qol.Az-ın məlumatına görə, Milan təmsilçisi doğma azarkeşləri önündə "Fiorentina" klubu ilə qarşılaşıb.
Görüş "İnter"in qələbəsi ilə başa çatıb. Fasiləyə qədər iki qol vuran Milan klubu ikinci hissədə üstünlüyünü qoruyub - 2:1. Bu qələbədən sonra "İnter" 12 xalla turnir cədvəlinin 3-cü pilləsinə yüksəlib.
Qeyd edək ki, İtaliya nəhəngi Avropa Liqasının qrup mərhələsi çərçivəsində oktyabrın 4-də Bakıda "Neftçi"nin qonağı olacaq.