Rasim Balayev və Fuad Poladov öz filmlərinin qalasına gəlmədilər

Ötən gün “Nazlı” romantik komediya filminin qala gecəsi baş tutub.

Axşam.az-ın məlumatına görə, ekran işində Xalq artistləri Fuad Poladov, Rasim Balayev, Arif Quliyev, Məbud Məhərrəmov, Əməkdar artistlər Mehriban Xanlarova, Nahidə Orucova rol alıblar.

Qala gecədə filmin baş rol ifaçıları F.Poladov və R.Balayev iştirak etməyiblər.

Ekran işində eyni zamanda aktrisa Xumar Səlimova və Ülvi Həsənli də rol alıblar.

Filmin quruluşçu rejissoru Rəhman Rafiqoğludur. Tədbirdə sənət aləminin tanınmış simaları da qonaq olublar. Onlar yaradıcı heyətlə birlikdə ekran işini izləyiblər.