525.Az
Bak məktəblərinin I sinfinə qəbul üçün 43 min uşaq qeydiyyatdan keçib
İndiyədək Bakı şəhər məktəblərinin I sinfinə qəbul olmaq üçün 43 minə yaxın uşaq qeydiyyatdan keçib.
APA-nın xəbərinə görə, bunu təhsil nazirinin müavini Ceyhun Bayramov Təhsil Nazirliyində “eTwinning Plus” layihəsi çərçivəsində keçirilən təltifetmə mərasimində deyib.
O bildirib ki, paytaxt məktəblərində I sinfə şagirdlərin qəbulu davam edir.
Onun sözlərinə görə, artıq elektron qeydiyyat sistemi hədəfinə çatıb, valideynlər bu prosesə daha məsuliyyətlə yanaşır.
I sinfə qeydiyyatın martın 15-də başlandığını xatırladan nazir müavini qeyd edib ki, ilk 20 gündə valideynlər 80%-i uşağını məktəblərdə qeydiyyatdan keçirib:
“Bu, bir sıra qərarların qəbulu, siniflərin açılması, müəllimlərin çatışmazlığı və digər qərarların qəbulu üçün vacibdir.
Mövcud vəziyyəti öncədən bilmək idarəetmədə daha rahat tənzimlənmə işlərinin həyata keçirilməsinə şərait yaradır”.
23.05.2017 çap et