525.Az
“Dövlət qurumlarında 6000-dən çox vakansiya var”
“Dövlət qulluğuna qəbul II mərhələdən ibarətdir. I mərhələnin - test imtahanlarının keçirilmə qaydaları və qiymətləri təsdiqlənib”.
APA-nın xəbərinə görə, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə AzTV-nin “Günün nəbzi” proqramında deyib.
M. Abbaszadə qeyd edib ki, II mərhələnin - müsahibə mərhələsinin keçirilmə qaydaları isə təsdiqlənməyib:
“Bu yaxınlarda Milli Məclisdə dövlət qulluğuna dair qanunda hansısa dəyişikliklər nəzərdə tutulub. O dəyişikliklər müəyyən müzakirələrdən sonra qəbul olunacaq.
Bundan sonra bizim hüquqi-normativ sənədlərimiz tam paket halında olacaq və leqal, hüquqi mühitdə dövlət qulluğuna qəbul prosesinə başlayacağıq. Bizim dövlət qurumlarımızda 6000-dən çox vakansiya var.
Dövlət qulluğuna qəbul imtahanlarının vaxtlı-vaxtında təşkil edilməsi çox vacibdir. Amma imtahanı keçirmək üçün mütləq hüququ mühit olmalıdır. Təəssüflər olsun ki, bu, mürəkkəb və vaxt aparan bir prosesdir”.
26.05.2017 
çap et