“Maşın” realiti-şounun daha bir buraxılışı geridə qalıb.
Axşam.az-ın məlumatına görə, iştirakçılar bu dəfə müğənni Nadir Qafarzadənin şəklini atıblar.
Müğənni səs topladığı təqdirdə kimi çıxaracağını bilmədiyini və oyunun gedişatından asılı olaraq qərar verəcəyini bildirib.
Daha sonra ifaçı şoudan aktyor Sərxan Kərəmoğlunu çıxarmaq istədiyini söyləyib. Buna səbəb isə ötən gün Kərəmoğlunun efirdə Təranə Qumralı təhqir etməsi olub:
"Bu gün də Sərxanın özünə dedim ki, dünən düzgün hərəkət eləmədi. Məni xanım təhqir də etsə, söysə də, mən üzüm çevirib gedərəm. Amma o, belə eləmədi. Ona görə onu çıxaracam".
Lakin aktyorun maşından əlini götürüb getməsi, müğənninin yeni seçim etməsinə səbəb olub. Çıxılmaz vəziyyətdə qalan N.Qafarzadə rejissor Aqil M.Quliyevi oyundan çıxaracağını söyləyib.
Sonda tamaşaçıların səsverməsi ilə 37,54 faiz toplayan Qafarzadə oyundan özü gedib.
Qeyd edək ki, veriliş hər axşam saat 22:00-da yayımlanır.
Hazırda şouda mübarizəni aktyorlar İslam Mehrəliyev, Fərda Amin, Elcan Rəsulov, rejissor Aqil M.Quliyev, rəqqasə Oksana Rəsulova davam etdirir.
çap et