Samir Cəfərov Gəncə Dövlət Filarmoniyasının rəhbəri təyin olundu

Gəncə Dövlət Filarmoniyasına yeni rəhbər təyin edilib.
 
APA-nın qərb bürosunun məlumatına görə, mədəniyyət və turizm naziri Əbülfəz Qarayev Gəncədə keçirilən regional müşavirədə Azərbaycan Dövlət Akademik Opera və Balet Teatrının solisti, Xalq artisti Samir Cəfərovun Gəncə Dövlət Filarmoniyasına rəhbər təyin olunduğunu açıqlayıb.

S. Cəfərov şəhər mədəniyyət ictimaiyyətinə təqdim edilib.

Qeyd edək ki, Gəncə Dövlət Filarmoniyasının bundan əvvəlki rəhbəri Gülcin Mirzəyeva idi.