Elxan Abdullayev bu gün "Neftçi"nin baş məşqçisi vəzifəsindən istefa verib.
Qol.az-ın xəbərinə görə, bu haqda klubun saytı məlumat yayıb.
İstefa ərizəsi ilə "Neftçi” PFK-nın rəhbərliyinə müraciət edən mütəxəssisin ərizəsi qəbul edilib. "Neftçi” PFK Elxan Abdullayevə klub üçün etdiklərinə görə minnətdarlıq edib, ona gələcək işlərində uğurlar arzulayıb.
Qeyd edək ki, bu ilin mayın 4-də azarkeşlərin baş məşqçinin istefasını tələb etməsinə baxmayaraq, "Neftçi" rəsmi saytı vasitəsi ilə E.Abdullayevlə yeni 3 illik müqavilə imzaladığını açıqlamışdı.
Xatırladaq ki, Elxan Abdullayevin rəhbərliyi altında “ağ-qaralar” ötən mövsüm Premyer Liqada 7-ci yeri tutub və ölkə kubokunun yarımfınalında “Qarabağ”a uduzaraq avrokuboklara qatıla bilməyib. Bu mövsüm isə onun rəhbərliyi altında “Neftçi” keçirdiyi hər iki matçda - əvvəlcə lider “Qarabağ”, sonra isə debütant “Səbail”ə məğlub olub.
çap et