Azərbaycan Prezidentinin mətbuat xidməti Azərbaycan və Ermənistan dövlət başçılarının 12 iyun tarixində Avstriyanın Zalsburq şəhərində görüşəcəkləri barədə erməni mətbuatında yayılan məlumatlara aydınlıq gətirib.
Prezidentin mətbuat katibi Azər Qasımov Modern.az-a eksklüziv açıqlamasında xəbəri təkzib edərək, onlarda belə bir məlumatın olmadığını deyib.
“Bizdə belə bir məlumat yoxdur”-deyə A.Qasımov bildirib.
Qeyd edək ki, Ermənistanın bir sıra KİV-lərinin yaydığı məlumata görə, iyunun 12-də Azərbaycan və Ermənistan prezidentlərinin Zalsburqda görüşü planlaşdırılır.
“12 iyunda İlham Əliyev və Serj Sərkisyanın çoxdan gözlənilən görüşünün baş tutacağı istisna edilmir. ATƏT-ə hazırda sədrlik edən Ukrayna bu görüşü öz ərazisində keçirmək istəsə də, görüş Zalsburqda baş tutacaq”-deyə erməni KİV-ləri məlumat yayıb.
çap et