525.Az

Xətaidə “ASAN xidmət” mərkəzi açıldı


 

Xətaidə “ASAN xidmət” mərkəzi açıldı<b style="color:red"></b> Mayın 24-də Azərbaycan Respublikasının prezidenti İlham Əliyev Vətəndaşlara Xidmət və Sosial İnnovasiyalar üzrə Dövlət Agentliyinin Xətai “ASAN xidmət” mərkəzinin açılışında iştirak edib.
 
Lent.az-ın məlumatına görə, Prezident Administrasiyasının hüquq mühafizə orqanları ilə iş şöbəsinin müdiri Fuad Ələsgərov dövlət başçısına məlumat verib ki, bu mərkəz Bakının Xətai, Nizami və Suraxanı rayonlarının əhalisinə xidmət göstərəcək. Qeyd edilib ki, Vətəndaşlara Xidmət və Sosial İnnovasiyalar üzrə Dövlət Agentliyi fəaliyyətə başladığı dövrdən indiyədək ümumilikdə 100 minədək insana xidmət göstərib.
Mərkəzdə yaradılmış şəraitlə tanış olan Azərbaycan prezidentinə Elektron Məlumat Mərkəzi, Biometrik Məlumatların Toplanması Sistemi və “Asankart” barədə məlumat verilib.

Dövlət başçısına bildirilib ki, vətəndaşlara könüllülük prinsipi əsasında xidmət göstərmək üçün seçilmiş gənclər təlimlərə cəlb olunublar.

Prezident İlham Əliyev könüllülərlə görüşüb.
 




24.05.2013    çap et  çap et