525.Az
Avropa mobil rouminqi ləğv etməyi düşünür
Avropa İttifaqının rəqəmli inkişaf məsələləri üzrə komissarı Nelli Kroes Avropada mobil rabitə xidmətləri bazarında köklü dəyişikliklər etməyə çağırır. Onun təklifləri arasında Avropa İttifaqı ölkələrinin sakinləri üçün Avropadaxili rouminq anlayışının ləğv edilməsi təklifi də var. Xanım Kroesin sözlərinə görə, bu, vahid Avropa bazarının yaradılması istiqamətində həqiqi addım olmaqla istifadəçilərə bir sıra üstünlüklər verəcək və operatorların hesablarının həcmini artıracaq, çünki daha fəal səsli trafikə şərait yaradacaq, Cybersecurity yazır.
Avropa komissarı deyir ki, operatorların rouminqdə məlumatların ötürülməsi üçün müəyyənləşdirdikləri qiymətlər həddən artıq yüksəkdir.
O həmçinin bildirib ki, kibercinayətkarlıqla mübarizədə real işlərin görülməsinə təkid edəcək, internet və trafikin neytrallığına zəmanət verməyə çalışacaq. “Bazarlar işləməli, qurğular fəaliyyət göstərməli, şəbəkələr məlumatları ötürməlidir və bunların da hamısı investisiyalar cəlb etməlidir. Biz bu yolda saysız-hesabsız maneələrə imkan verə bilmərik”, - o qeyd edib.
31.05.2013 
çap et