“Dağlıq Qarabağ münaqişəsinin nizamlanma prinsiplərini artıq razılaşdırmaq lazımdır”

Avropa Birliyi Dağlıq Qarabağ münaqişəsinin nizamlanması istiqamətində Rusiya ilə əməkdaşlıq etmək niyyətindədir.

APA-nın məlumatına görə, Avropa Birliyi Şurasının prezidenti Herman van Rompey bildirib ki, bu əməkdaşlıq mövcud danışıq mexanizmləri çərçivəsində baş tuta bilər: “Bu, həll oluna biləcək münaqişədir və Dağlıq Qarabağ münaqişəsinin sülh yolu ilə bütün tərəfləri qane edəcək nizamlanmasının prinsiplərini artıq razılaşdırmaq lazımdır”.