Ermənistanın xarici işlər naziri Edvard Nalbandyan iyunun 4-ü Vaşinqtonda ABŞ dövlət katibi Con Kerri ilə görüşüb.
“Media forum” saytının məlumatına görə, görüşdə Dağlıq Qarabağ problemi ətrafında fikir mübadiləsi aparılıb. Kerri bildirib ki, ABŞ ATƏT-in Minsk qrupunun həmsədri olaraq tərəflər arasında razılığın əldə olunmasına və münaqişənin dinc yolla həllinə təsir göstərməkdə davam edir: “Bu, Cənubi Qafqaz bölgəsində sabitliyin və təhlükəsizliyin möhkəmlənməsi üçün yeni imkanlar yaradacaq”.
Görüşdə Kerrinin Ermənistana səfəri də müzakirə olunub. ABŞ dövlət katibi səfərin bu il ərzində baş tutacağını bildirib.